,,,.عسى قلبه مع الاشواق دافي.,,,

سمرت بصحبة حروف القوافي **
* احملها تناهيتن خوافي
اشكل بالحروف الواو صوره **
* واحركها من المعنا بصافي
اشيل الحرف من معنى لمعنى**
* واداري ما ظهر واظهر بخافي
والا مني عطيت الحرف ونه **
* بها حرفي على النجمات طافي
يقوم كل نجمن من منامه **
* انا مانيب اسامر نجم غافي
يجيني كل نجم منه معنى **
* ولا قد قلت للنجمات كافي
تصور لي دموعن وابتسامه **
* من عييونن تقصر ما تشافي
الا يانجم ياعالم تبصر **
* شف بعين المحبه عين وافي
وخبرني عن اعلومه وحاله **
* عسى قلبه مع الاشواق دافي
وخبر صاحبي عن حال خله **
* تراي امشي على الاشواق حافي
ولو ممشاي في جمرن يفيده **
* مشيت بدربها كنه عوافي
ولكن وش يفيده لو ذبحني **
* ومن يوصف جماله عقب قافي


* خالد الفيصل *